من خطوة جوادك عثر! - الأمناء نت | أمانة الكلمة .. احترام الحقيقة

من خطوة جوادك عثر!

الاثنين 12 يونيو 2017 - الساعة:08:36:59 (كلمات/ علي منصور أحمد :)

من خطوة جوادك عثر .. رجع لا وراء خطوتين
بصحراء ثمود اندثر .. حنب في رملة السبعتين
نصحناك وانك مصر .. وشفنا وان عينك بعين
ولا تقبل بوجهة نظر .. ما تسمع سوى كلمتين
عنادك راح كله هـدر
وما حسبت للعاشقين
وربعك حد طلع يعتذر
وبعض الربع متأسفين
عقدنا لك بعقد النظر .. زوجناك في طرف عين
وظنيناك فارس عسـر .. وتوجنــاك دنيــا ودين
يا با سعد صحنك كبر .. زاد الماء وقل الطحين
ما لك بالطباخة بصر .. لك شهرين تعجن عجين
عنادك راح كله هـدر
وما حسبت للعاشقين
وربعك حد طلع يعتذر
وبعض الربع متأسفين
المكتوب لك والقدر .. قده مطبوع فوق الجبين
ولي ما له دراية خسر .. ما أنته اول الخاسرين
والبعض يصغر لا كبر .. ويخالط الغث والسمين
ولي ماذاق طعم الصبر .. ظن اللبن مثل الحقين
عنادك راح كله هـدر
وما حسبت للعاشقين
وربعك حد طلع يعتذر
وبعض الربع متأسفين
****
جولد مور ـ عدن
12 يونيو 2017م