قف عند حدك ايها المتغطرس
هذا العلم خفاااق لن يتنكس
هذا الجنوب الحر في احراره 
بعد انتصاره لا ولن يتدنس
من مثل ابو همام فل يفخر به
شعب الجنوب المحتشد والمجلس
رفعت راس احرار في ساحتها 
يالفارس الصنديد ابن المترس
لغنة احمد بن دغر من درسك 
درس الرجوله وانعمك من درس
من بعد درس اليوم يلزم داره
لا يكثر الهدره ولا يتنهس
هذه عواقب كل من يتحدى
شعب الكرامه فوق خصمه يدعس
هذه رساله واضحه بالصوره
للبلطجي والمنبطح والمندس 
والانتقالي شعب ما هم قاده
والشعب يحكم قادته واترأس
الامس غير اليوم ياشرعيه
لا ينزعج هادي ولا يتحسس
من حرر التربه يضل يحرسها
من يكنز العزه ابد ما فلس
مهما سرقتوا ياللصوص الحمقاء 
تاريخكم مطموس ماله فهرس
باقي لنا جوله على ملعبنا 
كل العلل من ارضنا تتكنس
وامثال ابوهمام من يكنسها
ياويل من ابليس باذنه وسوس
بانقلعه واقلع معه شيطانه
بالسوط جلده با اخلسه والملبس
عاشت جنودك يالجنوب الغالي
وعاش مجلس بالنخب يتاسس
مجلس يقوده عيدروس القايد
والشيخ هاني عاد فوجه نسنس 
والخبجي واحمد وناصر ابين
والعولقي صالح وحامد لملس
وكل قادات الجنوب الحره 
ذي ما تخلى عن نميم المرجس
ماينطق إلأ بالرصاص الخارق
كبد العداء من نارها تتمسمس

للشاعر مطيع المردعي:30/نوفمبر2017