ياحيد شمسان ياصيره وقمة هيل
ثوري وشبي حمم بركان شعاله
من شامخ اشعاب. نصبا بايجيك السيل
ياسيل سيلوه يوم اريافها ساله
لوكنت يابن دغر تحلم نصيف الليل
اضغاث احلام ساعه وانها زاله
قلدت لي عنتره من حبة الرستيل
ما غير للهلوسه والكذب فعاله
تبقى ترجع جحافل ابرهه والفيل
واحفاد فارس واتباعه واذياله
واتعيد صالح وقواته وحزب الخيل
الى بلد بعدها فرسان خيااااله
هذه خرافات في منشور قيلة قيل
في صفحتك قمت في نشره وانزاله
اما على الارض واالله باتشوف الويل
عندي مائة الف من شلال وامثاله
خليك صامت بقصر الحكم يازمبيل
لا تجبرونا نصك القصر باقفاله
لا تحسبوها بلد فاتح بلا تقفيل
لولا التحالف لما حليش ياخاااله
نحن الذي بالقدم نذهب لعزرائيل
من قبل ياتي لنا لا داخل الصاله
من قبل تخطو قدم واحدعلى الارجيل
من فوق هذا الثراء تقتص وانشاله
يااحمد عبيدوه ازعجكم حدث اربيل
اربيل اقليم يمضي في سبل حاله
انا على الارض لي دوله لها تدويل
في مجلس الامن داخل جدول اعماله
بااشرح لهم جرمكم والبطش والتنكيل
من عام تسعين با نبدا بفصاااااله
الزم حدودك ولو كثرت بالتهويل
الباب ذي جيت منه تذهب خلاله
من قبل يصدر قرار الطرد والترحيل
من كل مطعم ولوكنده وبقاله
ما غير يومين فيها شيل يابه شيل
بالقاطره او على مجنز ونقاله
قل للذي فوضك واعطى لك التوكيل
ان تستفز الجنوب الحر وابطاله
يذهب يحرر بلاده لو بقى به حيل
يعيد بيته وغرفة نوم اطفاله
هذا بياني ولا يحتاج له تحليل
وارسل لمن وكلك نسخه لجواله

- الشاعر / مطيع المردعي :