وين الرز يا خبرة والصابون والسكر

وين البر قد بعتوه والالبان نوع انكر

بااسمي قد تسولتوه ولا عاد له وحي يذكر

سالت الدار واهل الشيخ وتخبرت خورمكسر

وما شي شفنا بالجولات يا خبرة سوى عسكر

وابين قد حرقتوها وسويتوا بها منكر

قصفتوها بالميراج وستعشر وهيلوكبتر

وجاها اليوم وقت الفيد بذاك الشيخ والعسكر

وقلتو بعد ثورتكم محال الظلم ان يذكر

ولكن كل ما شفناه حجمه كل يوم يكبر

والقسمة مع صالح نسخة اصل تتكرر

حسبنا كل شيء تيسر وعاده زاد يتعكر

ولكن ذي عدن قلنا ومن ينسى يتذكر

ما تسمح لحد فيها يطغى او يتكبر

ومن عدن حريق صنعاء اذا العاقل قليل فكر

احمر يضرب الاحمر واحمر لااحمر اتنكر

وهذه حكمة المولى لمن سوا بعدن منكر

وصنعاء وضعها يسوء كلما لاح يتكدر

ونحنا فوق مافينا نحمده ونتشكر