حسب المعلومات اللي تم نشرها ان العملية تمت عن طريق مسيرة أطلقت صـ،ـواريخ موجهة بدقة .

الملفت للنظر هنا هو دقة الإستهداف، لان بتحليل الصور والفيديوهات هتلاقي ان الضربة كانت مركزة بدقة شديدة جداً على الدور التاني من المبنى، يعني مش المبنى كله اتضرب مثلاً بقنبـ،ـلة أو صـ،ـاروخ مدمر لأ … ده ضرب الدور والشقة ومكان غرفة العاروري والمرافقين بالمللي .

الكلام ده معناه ايه ؟ معناه أن رصد الهدف كان من المسافة صفر، يعني المعلومة اللي جت لإسرائـ،ـيل غالباً كان بإحداثي لصيق بالهدف .

هبسطهالك ….

هنفترض جدلاً كده ان في حد خاين بلغ اسرئـ،ـيل بمكان العاروري، قالهم هو دلوقتي في المكان الفلاني، أو حتى قالهم ان في توقيت كذا هيكون في المكان ده .. حلو ؟ 
اسرائـ،ـيل هتعمل ايه بقى ؟ المنطقي انها تضرب المبنى كله وتجيبه أرض أرض، ليه ؟ لان ممكن في أي لحظة العاروري يغير مكانه، فعشان متضيعش الفرصة دي تقوم ضاربه المبنى كله عشان ميبقاش في احتمال ولو بنسبة١٪؜ ان الضربة متقتلوش أو حتى تصيبه فقط .

إنما معنى انهم ضربوه بصـ،ـاروخ ذكي في مكان محدد بالتفصيل الدقيق ده فده بيقول ان العاروري كان محططوله جهاز تتبع سواء في المكان أو مع أحد الموجودين بدرجة تسمح لإسرائـ،ـيل انها تشوفه وتسمعه بحيث تتأكد انه موجود في النقطة دي اثناء الإستهداف .

فمعنى كده برضو ان المعلومة كانت بخيانة رررررررررهيبة ، يعني شخص قريب منه تماماً هو اللي سلمه بالشكل ده .. وده بيقول حاجة من اتنين … اما الحركة في لبنان كلها مخترقة، وبالتالي الخائن مازال موجود وبالتالي كل اعضاء الحركة في خطر ، أوووو المضيف هو اللي حب يخلص من الشخص ده تحديداً لسبب ما !